Stundin
Stundin 29 Nov 2018
1
watermark logo

Gunnar Bragi lýsir Árna Þór Sigurðssyni sem „fávita“

 20062 Flettingar

Gunnar Bragi Sveinsson, fyrrverandi utanríkisráðherra, heldur langa einræðu þar sem hann útskýrir hvað bjó að baki þegar hann skipaði Geir H. Haarde og Árna Þór Sigurðsson sem sendiherra árið 2014. https://stundin.is/FCEF

„Þegar ég ákvað það að skipa Geir H. Haarde sendiherra í Washington þá ræddi ég við Sigurð Inga. Honum var ekki skemmt enda hafði hann ákært Geir. Ég ræddi þetta auðvitað við alla flokka. Ég sá það að ég gæti ekki skipað Geir einn sendiherra, ég gæti ekki hyglað Geir einum, það yrði of þungur biti fyrir þingið og alla. Það sem ég gerði var að gera Árna Þór að sendiherra, sem var alveg ókeypis í rauninni – þú verður að athuga það að hann er bara fáviti sko þó hann sé frændi minn – og hvað gerist þá?

VG-kjarninn varð brjálaður en hún Katrín sagði ekki orð vegna þess að ég átti fund með henni og [hér heyrist illa hvað er sagt] þar sem ég tryggði að hún myndi ekki segja neitt. Og Geir slapp í gegnum þetta eins og smjör á smokknum hjá honum þarna… honum, hvað heitir hann söngvarinn, Friðriki Ómari. (…)

En Geir nefnilega sagði við mig eitt dálítið sérstakt, hann sagði: „Ég var brjálaður við þig Gunni þegar þú varst að gera Árna Þór að sendiherra en svo fattaði ég þetta allt í einu, að athyglin fór öll á Árna og ég var mjög glaður.“

[Hér skýtur einn viðstaddra inn: ‘Sagði hver við þig?’ og Gunnar Bragi svarar: ‘Geir H. Haarde’].

„Og það var ekki nóg með það að vinstri græna liðið var brjálað, því Árni er auðvitað ekkert annað en senditík Steingríms. En plottið mitt var að Geir yrði í skjólinu hjá Árna og það virkaði ekki bara 100 prósent heldur 170 prósent því að Árni fékk allan skítinn. Svo sagði Geir við mig löngu seinna: „Þakka þér fyrir. Það var enginn sem gagnrýndi mig.“ Og það var málið, það gagnrýndi þetta nánast enginn. Og það er bara vegna þess að ég lét Árna taka allan slaginn.“

Sýna meira
0 Athugasemdir sort Raða eftir

Facebook athugasemdir

Næsta myndband